សុភាសិតសម្តេចជួនណាត

សុភាសិតសម្តេចជួនណាត
សុភាសិត១៨ឃ្លារបស់ជួនណាត

​សុភាសិត​១៨​ឃ្លា​ដែល​សម្ដេចព្រះ​មហាសុមេធាធិបតី ជួន ណាត (​ជោ​ត​ញ្ញា​ណោ​) តែងតែមាន​ព្រះបន្ទូល​ទៅកាន់​ពួក​យុវជន​ជា​រឿងៗ ។ ព្រះអង្គ ដែលជា​កំពូល​អ្នកប្រាជ្ញ​អក្សរសាស្ត្រ​ខ្មែរ បាន​ទូន្មាន​យុវជន​ឲ្យ​ធ្វើខ្លួន​ទៅជា​ពលរដ្ឋ​មួយរូប​ថ្លៃថ្នូរ ដោយ​មិនត្រូវ​ក្រាញ​នៅតែ​មួយកន្លែង ត្រូវតែ​ផ្លាស់​ដី​ថ្មី គំនិត​ថ្មី ទើប​រក​សុភមង្គល​ឃើញ មិនគួរ​គប្បី​ស្ដាយស្រណោះ​ដី​កំហិល ដែល​មានតែ​ដើមត្នោត​ឬ​ចេក​ដូង​មួយ​គុម្ព​ពីរ​ឡើយ ។​ល​។​

​សុភាសិត​ទាំង​១៨​ឃ្លា​មាន​៖

១. ការ​អម្បាល កុំអាល​ពោល​អួត​មុន ។​

២. ឧបាយកល​សើៗ ពុំ​ស្មើ​គំនិត​ជ្រៅ ។​

៣. កំណាច​ឃ្លាន​ពេក មានរឿង​ពុំ​សូវ​ស្រាក ។​

៤. សេពគប់​ពាល ពាល​នាំទៅរក​ខុស សេពគប់​ប្រាជ្ញ​ប្រុស ប្រាជ្ញ​នាំទៅរក​ត្រូវ ។​

៥. សូវ​នៅ​ម្នាក់ឯង គួរ​ជៀសវាង​បាបមិត្ត ។​

៦. ចិត្ត​ឥត​ភ្នែក ភ្នែក​ឥត​ចិត្ត អ្នក​គិត​ល្អិត​ទើប​អាច​យល់បាន ។​

៧. មើលងាយ​អ្នកផង នាំ​ឲ្យ​កន្លង​ច្បាប់ ។​

៨. រអិលមាត់​ច្រើនតែ​ភ្លាត់ស្នៀត ។​

៩. សើច​ក្អាកក្អាយ នាំ​ឲ្យ​ស្ដាយក្រោយ ។​

១០. កាប់​បំពង់​រង់ចាំ​ទឹកភ្លៀង ភ្នែក​មិន​ឆ្មៀង​ឃើញ​មិន​សព្វ ។​

១១. ធ្វើស្រែ​ទាន់​មាន​ភ្លៀង ស្រែកច្រៀង​ទាន់​មាន​ភ្លេង ។​

១២. ពេល​ត្រូវ​ដើរ​បែរជា​ដេក ខ្ជិល​ហួសពេក​នាំ​ឲ្យ​ល្ងង់ ។​

១៣. មានៈ​ចចេស​ក្រៃ អស់​តម្លៃ​គ្មាន​ចំណេញ ។​

១៤. បំណាច់​កើតជា​អង្គ​ប្រុស កុំ​ប្រព្រឹត្ត​ខុស​ធម៌​ច្បាប់ ។​

១៥. ប្រាំបួន​ទិញ ដប់​ទិញ កុំ​ទិញ​របស់​ថោក ។​

១៦. កុំ​ស្ដាយ​គុម្ព​ចេក​មួយ​គុម្ព ។​

១៧. កុំ​ស្ដាយ​អាចម៍​គោមួយ​គំនរ ។​

១៨. បើ​មិនចេះ​ត្រូវ​សួរ​គេ កុំ​មានៈ​យក​គ្រាន់បើ ។​